Хотел-балон со 5 милиони ѕвезди

Ова е одлично место за ноќевање. Спиете во дивина под ведро небо, а сепак ви удобно и топло, велат посетителите на необичниот хотел. Имено, хотелот „Пет милиони ѕвезди“ во градот Скалхолт во Исланд нуди сместување во балони кои се наоѓаат длабоко во шумите на Исланд.

Собите-балони нудат уникатен поглед на дрвјата покриени со снег, а она што посебно ги радува гостите е зовршениот поглед на небото над Исланд, каде што многу често се појавува поларна светлина.

„Ова мора да го проба секој што ќе дојде во Исланд“ велат посетителите. Цената на едно ниоќевање во балoн е околу 132 евра. Треба да напоменеме и дека во собите нема купатила ниту јадење или пиење, но на крајот на денот доживувањето е она што се плаќа.