ВИДЕО: Ова шише вода почнува да се разградува веднаш штом ќе ја испиете водата

- Advertisement -

 Со оглед на тоа дека глобално секоја година се произведуваат милиони тони пластика, во тек е трката да се открие еколошки поприфатлива алтернатива, на пример, за пластичните шишиња за вода. Некои од најдобрите решенија можеби се црвите кои јадат отпад или бактериите кои јадат пластика, но што ако има поедноставен пристап на проблемот?

Ари Џонсон од Исланд има идеја за биоразградливи шишиња за вода направени од материјал кој за разлика од пластиката, не остава траен проблем откако ќе се употреби и ќе се фрли.

- Advertisement -
„Прочитав некаде дека дури 50% од пластиката се употребува само еднаш и се фрла. Почувствував дека има итна потреба да се најдат начини да се замени пластиката која секојдневно ја употребуваме“ вели Џонсон.

Барајќи материјали од кои може да се направи шише кое ќе се разгради откако ќе се употреби Џонсон наишол на агар во прав, односно супстанција која се добива од алги. Кога овој прав ќе се додаде во вода, се претвора во нешто слично на желатин. Тој желатин потоа се става во калап и може да се добие каква било форма. Според дизајнерот, предметите направени од овој материјал ја одржуваат својата форма додека од нив не се исцеди целата вода.

Она што го прави материјалот особено специфичен е животниот век. Шишињата од ваквиот желатин ја одржуваат формата додека се полни со вода, а кога ќе се испразнат веднаш почнуваат да се разградуваат. Можете дури и да ги изедете доколку сакате, иако нивниот вкус е како желе од морска трева.

Сподели!
- Advertisement -