14 C
Skopje
среда, февруари 26, 2020

Zagreb Time Travel – туристите во Загреб ќе добијат виртуелни тури низ историјата на градот

Kabtel desktop

 

Десетици илјади туристи кои го посетуваат Загреб од денес ќе имаат можност да отпатуваат во минатото на градот и да запознаат некои од најпознатите луѓе од неговата историја. Имено, денес беше официјално претставена апликацијата Zagreb Time Travel, пишува Zimo.

Станува збор за првата виртуелна туристичка тура на Загреб, која најдобрата понуда и атракциите во градот им ги презентира на туристите како едно патување низ времето со помош на современа технолгија за проширена и виртуелна реалност.

Билетот за посетителите, всушност, е таблет кој засега може да се изнајми на три места во Загреб, а креаторите на Zagreb Time Travel се надеваат дека ваквиот начин на посета и запознавање со градот ќе го препознаат и туристичките агенции и ќе го вклучат во својата понуда. Туристичките водичи не мора да стравуваат дека овие тури ќе им ја одземат работата туку треба да ги прифатат како дополнување на нивната тура и како нешто дополниелно што можат да им го понудат на туристите кои ги шетаат по Загреб.

Туристите можат да ги користат таблетот и апликацијата самостојно, да го истражуваат градот, да решаваат интересни квизови и задачи, да фотографираат необични визури, но може да ги изнајмат и како дполнителна содржина во класична тура по градот.

Апликацијата корисниците ги води низ 14 битни дестинации, а на секоја дестинација ги чека некој друг лик од историјата на Загреб со интересна приказна и задача. Во план е и соработка со партнери кои на корисниците на Zagreb Time Travel ќе им нудат посебни поволности и попусти.

Проектот настана во минатата година и пол. Дека станува збор за интересен и привлечен проект најдобро говори фактот дека за изработка на виртуелните тури се заинтересирани уште неколку градови во Хрватска, но и некои градови од странство. Затоа, нема да не изненади ако за некоја година и по други градови во Европа забележиме луѓе со таблети околу врат кои ја истражуваат историјата на градот.

Како изгледа апликацијата, односно патувањето низ историјата на Загреб и колку е едноставна за користење можете да видите од видеото во прилог.

Сподели!
  •  
  •  

НАЈПОПУЛАРНИ

Сподели!
  •  
  •