Фотографиите направени со дронови се нова уметност која е во подем. Само пред неколку години беше невозможно да се направат вакви фотографии, а сега ги гледаме на секој чекор. Лесно е да ве занесат таквите фотографии, но некои уметници се уште експриментираат и наоѓаат спектакуларни начини да го експлоатираат овој нов медиум, пренесува New Atlas.
Урбаните фотографии направени со дронови се особено креативна зона каде што има простор за докажување. Фотографиите честопати експериментираат со екстравагантни геометриски шеми кои се инкорпорирани во многу урбани структури од различни агли.
Многу од тие фотографии направени од небото откриваат дизајни кои архитектите ги ставиле во своите градби, а не може да се видат од земја. Во продолжение можете да погледнете галерија од најдобрите урбани фотографии направени со дрон.
