Кога пред две години Facebook претстави брзи игри коишто може да се играат во Messenger, корисниците имаа поделено мислење. Некои мислеа дека тоа е одличен начин за играње игри со пријателите, додека други тоа го карактеризираа како непотребно. Се чини дека од Facebook заклучија дека мнозинството од луѓето не ги сакаат игрите на Messenger, па објавија дека брзите игри ќе бидат вратени во оригиналната апликација Facebook. Поточно, игрите ќе добијат сопствена картичка Instant Games.
Официјалното објаснение од Facеbook е дека сакаат Messenger, апликацијата за допишување, да ја направат побрза, поедноставна и „полесна“. Веројатно битна улога во тоа игра и планот на Facebook да ги обедини платформите за допишување на Instagram, WhatsApp и Messenger.
Играчите ќе имаат време до крајот на летото да играат во Messenger, а потоа омилените игри ќе мора да ги побараат на основната апликација. Од Facebook додаваат дека играчите и понатаму ќе им пристапуваат на игрите преку линкови, односно известувања на Messenger, но новите игри ќе мора да ги побараат на Facebook Gaming
Промените најпривн ќе ги имаат корисниците на iOS, а веројатно набрзо потоа и корисниците на Android.
