За новата генерација паметни уреди на Samsung слушаме со месеци, а денес оваа јужнокорејска компанија и официјално ќе ги прикаже уредите на кои напорно работеле во последно време и со кои тргнуваат во освојување на мобилниот пазар. Ако гласините се вистинити, Samsung подготвил дури четири модели на смартфони, од кои најмногу внимание ќе привлече флексибилниот Z Flip.
За овој телефон завчера Samsung пушти реклама за време на доделувањето на Оскарите. Телефонот ќе личи на Motorolа Razr со флексибилен екран. Galaxy Z Flip нема да биде наменет за глобалниот пазар и се очекува дека компанијата ќе направи најмногу 5 милиони телефони, но во текот на годината, кога ќе се усовшри технологијата и ќе поевтинат тие телефони, Samsung ќе има предност над конкуренцијата.
Во однос на хардверот, се очекува Snapdragon 855 Plus, 8 GB RAM и 256 GB моморија, поддршка за 5G и дијагонала на екранот од 6,7 инчи. Се споемнува и сцена од 1.400 до 1.500 долари.
Освен флексибилниот телефон, се очекува Samsung да го претстави и својот најголем и најмоќен телефон досега, Galaxy S20 Ultra. Телефонот ќе има процесор Snapdragon 865, до 16 GB RAM и дијагонала на екранот од 6,9 инчи. Од задната страна ќе има четири камери, од кои главната ќе има 108 MP и ќе овозможи 100x зум, кој наводно од Samsung го нарекле Space Zoom.Цената која се споменува за овој телефон е околу 1.300 долари.
Што точно ќе претстави Samsung ќе дознаеме вечерва во 20 часот. Ако сакате да го следите настанот во живо, Samsung ќе има пренос во живот на следниот линк.
