Кина успешно ја реализираше последната фаза од мисијата Chang’e-5, откако капсулата со примероци од Месечевата површина сигурно беше приземјена во регионот на кинеската покраина Монголија. Капсулата со себе донесе околу 2 кг примероци од повшрината и камења од Месечината кои ги собра кинескиот лендер.
Како што пренесе кинеската новинска агенција Xinhua, капсулата во орбитата на Земјата влегла со планираната брзина, а откако поминала низ атмосферата се отвориле падобраните, кои ја спуштиле на местото за лестување. Набрзо потоа околу капсулата се собрале бројни кинески научници и претставници на медиумите, како што можете да видите и од видеото во прилог.
За Кина ова ќе биде поттик да продолжи со плановите за испраќање на првите кинески астронаути на Месечината на крајот на оваа или на почетокот на идната деценија и изградба на сопствена база, која ќе биде конкуренција за американската и руската база на Месечината.
Материјалот треба да им помогне на научниците да дознаат повеќе за потеклото на Месечината, нејзиното настанување и вулканските активности на површината.
„Во согласност со меѓународната конвенција за соработка и договорите за мултилатерална и билатерална соработка, ќе донесеме прописи за управување со податоците и примероците од Месечината. Ќе ги споделиме со релевантни држави и научници, а некои од нив може да бидат и подарени во согласност со меѓународната пракса“ велат од кинеската вселенска агенција.
(Vidi.hr)
(фото: YouTube screenshot)
