Саудиска Арабија го претстави планот за градот The Line, кој ќе биде целосно за пешаци. Градот е дел од гига-проектот Neom вреден 500 милијарди долари и ќе отвори 380.000 работни места во Саудиска Арабија.
Саудискиот принц Мохамед Бин Салман го претстави планот за градот кој ќе биде дом на околу 1 милион жители. Изграден околу природата, The Line ќе фунцкионира без автомобили, без улици и без сообраќај. Ќе биде составен од 170 км поврзани заедници. Градот ќе има нула емисија на гасови, а кога ќе биде комплетиран ќе придонесува со 48 милијарди долари во економијата на Саудсика Арабија.
До 2050 година времетраењето на патувањето од работа до дома ќе се дуплира, а 1 милијарда луѓе ќе мора да се преселат поради високите ниувоа на CO2 и покачувањето на нивоата на морињата и океаните. Денес, пак, 90% од луѓето дишат загаден воздух.
„Зошто мора да ја уништуваме природата за да градиме? Зошто 7 милиони луѓе годишно мора да умрат од загаден воздух? Зошто секоја година 1 милион луѓе мора да умрат во сообраќајни незгоди? И зошто се помируваме со тоа да губиме битни моменти од животот во патување? Мора да го трансформираме концептот на конвенционалните градови во футуристички“ додаде принцот.
The Line ќе биде лоциран во рамките на проектот Neom во близина на Црвеното Море, а неговата изградба ќе чини 5 милијарди долари. Сето тоа е дел од стратегијата на Саудиска Арабија да ја развие и диверзифицира економијата со цел да стане помалку зависна од нафтата.
Во градот ќе има ултрабрзи превозни средства и автономни возила кои ќе го олеснат патувањето и на жителите ќе им овозможат да го потрошат времето на активности за подобро здравје. Се очекува дека ниедно патување таму нема да трае повече од 20 минути.
Заедниците во градот ќе бидат когнитивни, ќе користат вештачка интелигенција и постојано ќе работат на начини со кои ќе им се олесни животот на луѓето и ќе се заштеди повеќе време за активности кои ги интересираат. Се очекува дека ќе бидат користени 90% од достапните податоци за подобрување на способностите на инфраструктурата, што е многу повеќе од тој 1% што се користи кај постојните паметни градови.
Redefining sustainability, it will also comprise carbon-positive urban developments powered by 100 per cent clean energy, providing pollution-free, healthier and more sustainable environments for residents.
Neom е пустински регион во северозападниот дел на Саудиска Арабија кој ќе се гради како еден вид на жива лабораторија. Ќе вклучува поголеми и помали градови, пристаништа, истражувачки центри, спортски и забавни објекти и туристички дестинации. Истовремено ќе се користи како центар за иновации каде што претприемачите, бизнис лидерите и компаниите ќе можат да истражуваат, да инкубираат и да комерцијализираат нови технологии.
(Smart Cities)
(фото: YouTube screenshot)
