34.8 C
Skopje
петок, јуни 25, 2021

Дали ги имате овие 4 карактеристики на емоционална интелигенција? Истражувач од Харвард смета дека само оние кои ги поседуваат, можат да успеат

Kabtel desktop

Истражувачот од Харвард, Даниел Големан, автор на бестселерот „Емоционална интелигенција“ од 1995 година, тврди дека иако IQ е од големо значење, но тоа не значи дека ќе бидете успешни во светот на работата и претприемништвото. Наместо тоа, она што навистина е особено важно е EQ – емоционална интелигенција, пренесува порталот Hybread.mk.

Неговата книга, која 18 месеци се наоѓаше на листата на најпродавани книги, наведува дека не-когнитивните вештини – вашиот EQ, всушност можат да бидат дури и поважни од IQ во обезбедувањето успех. Особено кога станува збор за унапредување или сериозно сфаќање на вашите креации.

„Дури и ако сте инженер со огромни знаења, никој нема да ви обрне внимание доколку не можете да комуницирате, убедувате и да ги возбудувате луѓето за вашите проекти – а за тоа е потребна емоционална интелигенција“.

Следниве четири одлики според Големан се клучот за разбирање и подобрување на вашиот EQ.

Самосвесност

Овие карактеристики значат имате способност да се гледате себеси како на начин на кој што ве гледаат другите. Ги разбирате и точно можете да ги процените сопствените силни и слаби страни. Прилично често, оние со повисок коефициент на интелигенција се гледаат себеси погрешно: како генијалци или далеку помалку умни од она што навистина се. Разбирањето на сопствените способности ви овозможува да процените како најдобро да ги користите вашите таленти.

Самоуправување

Оваа одлика се однесува на емоционалната контрола. Оние со висок EQ можат да ги контролираат своите емоции, лесно да се опорават од неуспесите и да не се премногу самокритични. Општо земено, луѓето со висок коефициент на интелигенција имаат позитивен поглед на животот, а се спротивставуваат на фокусирањето на негативното.

Социјална свест

Луѓето со висок EQ се емпатични и ги разбираат животот и предизвиците на другите. Тоа значи дека можете да претпоставите како членовите на тимот ќе реагираат во одредени ситуации и кои задачи ќе можат компетентно да ги завршат.

Управување со односот кон луѓето

Оние со висок EQ се во можност истовремено да управуваат со повеќе различни односи, лични и професионални. Ова честопати ги прави природни лидери затоа што тие се способни да зборуваат со луѓе на различни нивоа на IQ и EQ и се во можност да зборуваат со нив на начини што секој поединец навистина ќе ги разбере.

Ова е често клучна одлика на големите лидери. Како што пишува Големан:

„Вие сте природен лидер кој може да собере поддршка од другите со релативна леснотија, создавајќи група која е ангажирана, мобилизирана и подготвена да ги изврши задачите кои и претстојат.

Иако сите ние би сакале да имаме повисок коефициент на интелигенција, колку и да сме паметни, можеби е време да сфатиме дека коефициентот на интелигенција не води автоматски до успех. Приказната за проблематичниот генијалец што умира во сиромаштија е добро позната преку уметноста и литературата. Подобро би било да ги погледнеме нашите квалификации и да се обидеме да ги подобриме колку што можеме – не само што веројатно ќе ни донесе поголем успех, туку веројатно ќе нè направи и посреќни и поемпатични!

Извор: https://www.thinkinghumanity.com/

Фото – Pixabay

Сподели!
  •  
  •  

НАЈПОПУЛАРНИ

Сподели!
  •  
  •