Масивна студија откри дека луѓето кои ќе се заразат со КОВИД-19 имаат многу поголеми шанси да развијат дијабетес тип 2 до енда година подоцна. Според студијата објавена во весникот Lancet Diabetes & Endocrinology, Зијад Ал-Али, главен истражувач за Veterans Affairs (VA) St Louis Healthcare System во Мисури и Џи,епидемиолог во VA St Louis Healthcare System, испитале резултати од над 8 милиони луѓе, вклучувајчи и 180.000 кои имале корона вирус.
Истражувачите забележале дека ризикот од појава на дијабетес се зголемил кај посериозните случаи на КОВИД-19. Кога ги споредиле со луѓе кои немале корона виурс или имале, но не биле хоспитализирани на интензивна нега, тие што биле хоспитализирани имале четири пати поголем ризик од развој на дијабетес.
Ова откритие оди во прилог на друга студија од Германија, која е помала и траела пократко време, но резултатите доведуваат до истиот заклучок.
Според најновата студија, луѓето кои се заразиле со КОВИД-19 имаат околу 40% поголеми шанси да заболат од дијабетес тип 2 до една година после заразувањето отколку луѓето во контролираните групи.
Тоа значи дека за секои 1.000 пациенти во секоја група околу 15 или повеќе луѓе кои се заразиле со КОВИД-19 биле дијагностицирани со дијабетес. А речиси половина од нив имале дијабетес тип 2, состојба во која телото станува резистентно на инсулин или не произведува доволно инсулин.
Истражувачите виделе дека дури и пациенти кои претходно немале други болести и не биле во ризича група за развој на дијабетес сега имаат големи шанси да ја добијат таа болест. Освен тоа, луѓето со висок индекс на телесна маса (BMI) и се веќе во ризична група за добивање дијабетес тип 2 сега имаат дупло поголем ризик од развој на таа болест после прележувањето КОВИД-19.
Оваа студија и многу други ни помагаат подобро да ги разбереме долгорочните импликации од КОВИД-19.
(Interesting Engineering)
(фото: Pxhere)
