Главниот извршен директор на Metа, Марк Цукерберг, вчера претстави нови AI производи за потрошувачи, вклучувајќи и паметни очила кои можат да одговараат на прашања и да пренесуваат содржини директно на Facebook, ботови кои создаваат фото реални слики и ажурирани VR очила.
Цукерберг рече дека овие производи се спој на виртуелниот и реалниот свет инагласи дека Meta нуди евтина или бесплатна вештачка интелигенција која може да се интегрира во секојдневниот живот.
Metа Quest е во VR очилата и од компанијата велат дека ова е најдобрата вредност за пари во оваа индустрија, во пресрет на пуштањето во продажба на многу поскапите VR очила на Apple.
Новата верзија на Questa ќе се најде во продажба од 10 октомври, а паметните очила од 17 октомври. Во нив е вграден новиот Metа AI асистент и ќе можат во живот да пренесуваат се што гледа корисникот директно на Facebook или Instagram, додека претходната верзија можеше да фотографира. Асистентот од идната година ќе може да идентификува места и предмети кои ги гледаат корисниците и да превеаува.
Цукерберг ги претстави овие производи на конференцијата Meta Connect во кампусот на Metа во Силиконската долина, која е најголема конференција годинава и првата која не беше виртуелна од почетокот на пандемијата досега.
Тој ги претстави и првите производи на Мetа со генеративна вештачка интелигенција за потрошувачите, вклучувајќи го и Metа AI четботот, кој може да генерира тесктуални одговори и фото реални слики. Но, нема само да одговара на прашања. Станува збор за забава и за тоа да ви помогне да се поврзете со луѓето околу вас.
(Zimo)
(фото: Pexels)
