Стартуваат авио-линии од Скопје до Рига

Националниот превозник на Латвија Ер Балтик, двапати неделно ќе лета на линијата Скопје до Рига за време на летната сезона, се до 30 септември. Цената на летовите почнува од 89 евра во еден правец, според тоа што е наведено на сајтот на компанијата.

За време на летната сезона ќе има летови и до останати локации, најголем дел веќе препознатливи за овој дел од годината. Од Скопје ќе може да летате за летниот период до: Хургада, Енфида, Анталија, Бодрум, Џерба и Монастир.