Второто издание на извештајот „Состојбата на отстранувањето на јаглерод диоксидот“, предводен од истражувачи од Универзитетот Оксфорд, откри дека за да се постигнат глобалните климатски цели, владите мора да го зголемат садењето дрвја и употребата на технологии за отстранување на јаглерод диоксидот (CDR ) за 4 пати годишно.
Извештајот покажа дека ќе биде неопходно да се отстрануваат приближно 7,72 до 9,92 милијарди тони јаглерод од атмосферата до 2050 година за да се исполни целта на Парискиот климатски договор за ограничување на глобалното затоплување на 1,5 степени Целзиусови, се вели во соопштението за печатот од Универзитетот Оксфорд.
Истражувачите нагласуваат дека намалувањето на емисијата на јаглерод ќе продолжи да биде главниот пат за постигнување нето нула, но CDR исто така ќе бидат од клучно значење.
„Со оглед на тоа што светот е надвор од колосек со декарбонизацијата потребна за исполнување на целите поставени со Парискиот климатски договор, ова ја покажува потребата за зголемување на инвестициите во CDR, како и за решенија со нулта емисија на сите нивоа“, вели д-р Стив Смит од Школата за претпријатија и животна средина Смит на Универзитетот Оксфорд.
Две милијарди тони јаглерод годишно се отстрануваат со CDR, првенствено преку конвенционални средства како садење дрвја. Поновите методи, како што се засилено влијание врз атосферата, биојаглерод, биоенергија со ловење и складирање на јаглерод и директно ловење и складирање на јаглеродот од воздухот, отстрануваат 1,43 милиони тони секоја година – помалку од 0,1% отсто. Методите за трајно отстранување сочинуваат помалку од 0,05% проценти, или 0,66 милиони тони годишно.
Повеќе од 50 меѓународни експерти придонесоа за извештајот „Состојбата на отстранувањето на јаглерод диоксидот“. Тоа е една од водечките светски научни анализи за тоа колку јаглерод ќе треба да се отстрани за да се ограничат климатските промени, како и дали сме на пат да успееме во тоа.
Авторите велат дека иако истражувањата за CDR, стартапите и јавната свест се зголемуваат брзо, постојат повеќе индикатори за забавување на развојот. Тие објаснуваат дека неколку од новите методи во моментот се насочени на владините предлози и политики за зголемување на CDR, што сочинува само 1,1% од инвестициите во почетни компании поврзани со климатската технологија.
(EcoWatch)
(фото: Flickr)
