Основачот и извршен директор на SpaceX, Илон Маск, е убеден дека ќе ги лансира своите ракети Starship на Марс во 2026 година, а дел од товарот ќе бидат неговите роботи Optimus и електричните пикапи Cybertruck. Идеално би било на Марс да има автономни системи за производство на гориво и кислород, така што овие ресурси ќе бидат подготвени за пристигнувањето на астронаутите, кои ќе тргнат на патување до Црвената планета во 2028 година. Исто така, би било добро роботите Optimus и пикапите Cybertruck да ги подготват местата за слетување за идните мисии.
SpaceX планира да произведе метан на Марс користејќи ја реакцијата Сабатиер, која вклучува реакција на CO2 од атмосферата на Марс со водород од мраз. Оваа реакција произведува метан и вода.
Што се однесува до екстракцијата на вода, таа ќе се добие со ископување на мразот на Марс, особено во неговите поларни региони, каде што го има во изобилство. Оваа вода ќе се користи за производство на водород, кој потоа ќе се користи во реакцијата на Сабатиер.
Во процесот на електролиза на водата, освен водород, се произведува и кислород, кој може да се претвори во течност за употреба како ракетно гориво. SpaceX планира да го „фати“ CO2 од атмосферата на Марс, што всушност е 95% CO2 и да го искористи во реакцијата Сабатиер за производство на гориво од метан.
Моторите Raptor на SpaceX се дизајнирани да користат течен метан и течен кислород, па затоа се погодни за користење локални ресурси на Црвената планета. Енергијата потребна за овие процеси може да се добие со помош на соларни панели.
Маск ги избра пикапите Cybertruck и роботите Optimus затоа што сака да ги тестира способностите на вештачката интелигенција за поддршка на човечкиот живот на Марс. Cybertruck има робустна конструкција, а неговиот електричен механизам е погоден за теренот на Марс и може да се користи за транспорт на астронаути и опрема. Ова возило може да совладува тешки терени и да влече тешки товари.
Од друга страна, Optimus е понапредна форма на постоечки хуманоидни роботи на пазарот. Користи AI и ML системи за да може оптимално да функционира во околината и да помогне во извршувањето на различни задачи. Тоа е флексибилен робот кој може да се користи за извршување на повторливи задачи, како и за сервисни работи. Може да се користи и за поставување структури, поправка на машини на Марс и слично.
(Klix.ba)
(фото: YouTube)
