Темпото на пад на германските фирми нагло се забрза во декември, објави Дестатис во понеделник. Стечајните случаи беа за 15,2 проценти повеќе од 12 месеци претходно, по 5,7 проценти во ноември. Бројките покажуваат само започнување, а не и завршување на постапките за несолвентност, кои обично траат околу три месеци, додадоа статистичарите. Само завршената постапка е вклучена во конечната бројка.
Официјалните податоци за целата година сè уште не се достапни, но Институтот за економски истражувања од Хале (IWH) проценува дека бројот на пропаднати компании со 17.604 го срушил рекордот од 2009 година, во врвот на светската економска и финансиска криза, пишува dpa.
Компаниите пропаѓаат поради проблемите што ги имаат од пандемиската криза, но и поради зголемената камата за кредити, наведува IWH во анализата. Проблемите со германската економија, исто така, придонесуваат. Компаниите во областите транспорт, угостителство и домување тонат особено често.
Фото – Flickr
