Министерот за финансии на САД, Скот Бесант, изјави дека неодамна објавената глобална царина од 15 проценти на претседателот Доналд Трамп ќе биде спроведена оваа недела. Во интервју за CNBC, Бесент, исто така, предвиде дека американските царински стапки наскоро ќе се вратат на нивото на кое беа пред Врховниот суд да ги поништи одредбите на Трамп.
„Цврсто верувам дека царинските стапки ќе се вратат на нивните стари нивоа во рок од пет месеци“, рече Бесент.
На 20 февруари, Врховниот суд на Соединетите Американски Држави во Вашингтон донесе одлука со која се поништува широк спектар на глобални царини наметнати од претседателот Доналд Трамп, што претставува негов најзначаен правен пораз откако се врати во Белата куќа.
Судот пресуди со шест гласа наспроти три дека Трамп ги пречекорил своите овластувања кога го искористил Законот за федерално управување со вонредни состојби од 1977 година (IEEPA) за да воведе реципрочни царини низ целиот свет. Одлуката се однесува и на целните увозни даноци, кои администрацијата ги оправдува со борбата против трговијата со фентанил, објави Блумберг.
(B92)
Фото- Picryl
