Цените на нафтата значително паднаа, а прометот на азиските берзи се зголемува по објавувањето на можното постигнување договор со кој би се ставил крај на американско-израелската војна со Иран, објавија денес британските медиуми.
Американскиот претседател Доналд Трамп изјави во саботата навечер дека договорот со Техеран е „во голема мера договорен“ и дека деталите наскоро ќе бидат објавени, но веќе во неделата навечер го повика својот преговарачки тим да не брза со договорот, објави Би-Би-Си.
Од утрово, глобалната цена на референтната сурова нафта Брент падна за 5,5 проценти на 97,90 долари (78,07 евра), додека цената на американската сурова нафта падна за 5,8 проценти на 90,99 долари (78,11 евра).
Трамп претходно потврди дека договорот ќе вклучува повторно отворање на клучниот трговски морски пат низ Ормутскиот теснец, без дополнителни детали. Овој тесен морски премин, низ кој вообичаено поминува околу една петтина од светската нафта и течен природен гас (LNG), е ефикасно затворен откако започна конфликтот на 28 февруари.
Фото – Flickr
