Авиокомпанијата Ryanair соопшти дека профитот паднал на 538 милиони евра во трите месеци до крајот на јуни, по зголемувањето на трошоците за гориво и пониските цени на билетите.
Ryanair соопшти дека профитот во трите месеци до крајот на јуни се намалил за 34 проценти во споредба со истиот период во 2025 година. Во исто време оперативните трошоци се зголемиле за 11 проценти, првенствено затоа што цените на горивата се удвоиле, што значи дека компанијата купила дел од своето гориво по тековни пазарни цени наместо по претходно договорените цени.
Ryanair ги намали просечните цени на билетите за 6% за да привлече патници во време на зголемена неизвесност. Главниот извршен директор на компанијата, Мајкл О’Лири, рече дека конфликтот на Блискиот Исток довел до двоумење кај потрошувачите, загриженост за недостиг на гориво за авиони во ЕУ, економска неизвесност и доцнење на резервациите.
Нискобуџетниот превозник, исто така, предупреди дека цените на билетите би можеле да продолжат да паѓаат на годишна основа во текот на летото. Од друга страна, акциите на компанијата паднаа за 4,3 проценти.
(Klix.ba)
(фото: Pexels)
