Според денешното соопштение на јапонското Министерство за здравство, бројот на стогодишници во Јапонија оваа година достигна 107.677 – што претставува зголемување за 7.914 во однос на минатата година. Бројот на стогодишници во земјата постојано расте, при што жените – кои имаат поголема веројатност да ја дочекаат оваа возраст – сочинуваат 94.298 од вкупниот број, објави весникот Japan Times.
Беше соопштено дека стогодишниците ќе добијат честитки и подароци од премиерот.
Во 1963 година, кога земјата го донесе Законот за социјална заштита на старите лица, во Јапонија живееле 153 стогодишници. Таа бројка се искачила на нешто повеќе од 1.000 до 1981 година, а во 1998 година, бројот на лица постари од 100 години за првпат ја надминал границата од 10.000.
Најстарата личност во Јапонија е Фуџо Кишимото, која во декември наполни 114 години, додека најстариот маж е Хикару Като, кој во мај наполни 112 години.
Јапонците имаат еден од најдолгите животни векови во светот: 81,35 години за мажите и 87,33 години за жените.
(Euronews)
(фото: Chat GPT)
