Кинеската компанија Boyagongdao Marine Technology Group го претстави BG-5 Golden Dragon Fish – автономен подводен робот дизајниран за надзор во плитки води.
Моделиран според азиската арована (често нарекувана „златна змеј-риба“), BG-5 има реалистичен изглед, за кој компанијата тврди дека му овозможува да оперира без да ги активира непријателските одбранбени системи за време на мисиите за надзор.
Роботот користи опашка со повеќе зглобови за да го имитира брановидното движење на вистинска риба. Според достапните податоци, тој не се потпира на однапред одредени рути; наместо тоа, користи вградени сензори за откривање пречки и самостојно планирање на својата патека.
Објавените спецификации покажуваат дека роботот е долг околу 63,5 см и тежи приближно околу 3,2 кг. Може да нурне до длабочина од околу 4,9 метри и да се движи со брзина од околу 0,6 метри во секунда.
Boyagongdao ја претстави и варијантата BG-5V, која поседува можности за планирање рути, распределба на задачи, контрола на формација и координација на повеќе роботи. Со овакомпанијата го позиционира роботот како платформа за посложени автономни подводни операции.
(Klix.ba)
(фото: YouTube)
