Владата го усвои Оперативниот план за активни програми и мерки за вработување за 2018

 Оперативниот план за активни програми и мерки за вработување и услуги на пазарот на трудот за 2018 година беше усвоен денеска на 56. седница на Владата.

Со него посебен акцент се става на младите невработени лица до 29 години.

Со оперативниот план ќе се создадат услови за создавање нови работни места, поддршка за креирање нови работни места и зголемување на вработливоста на невработените лица.

Со усвојување на Среднорочната програма за работа на Фондот за иновации и технолошки развој за финансиска поддршка на микро, мали и средни претпријатија за 2018-2020 година, стартуваше имплементација на мерките од третиот столб од Планот за економски раст на Владата.

Среднорочната програма е насочена кон постигнување на целите кои се дефинирани во Стратегијата за иновации на Република Македонија, Планот за економски раст на Владата и Проектот за развој на вештини и иновации.

Со средства во износ од милијарда денари државата ќе ја зголемува вработеноста преку мерките од Оперативниот план за активни програми и мерки за вработување и услуги на пазарот на трудот за 2018 година. Преку програмите за вработување ќе бидат опфатени 9.511 лица, а преку услугите на Агенцијата за вработување на РМ над 16.000, информира денеска министерката за труд и социјална политика Мила Царовска.

Грантовите за самовработување се поставени флексибилно од четири до пет илјади евра за поединец, до 10 илјади евра за двајца содружници. Годинава се дава можности и за комбинација на неколку мерки.

– Тоа значи дека на пример доколку некое лице посетува обука и добие кфалификација за некоја работа да може да се вклучи и во мерка за субвенционирано вработување, рече министерката Царовска на прес-конференција во Владата.

Со Планот, акцент се става на младите невработени лица до 29 години, за што, како што појасни, ќе се спроведува и пилот проект „Гаранција за млади“ во три општини – Скопје, Струмица и Гостивар.

– Со оперативниот план ќе се создадат услови за создавање нови работни места, поддршка за креирање нови работни места и зголемување на вработливоста на невработените лица, рече министерката за труд и социјална политика.

Таа истакна дека, меѓу другото, со овој оперативен план се предвидени и мерки и програми за вработување на ранливи категории граѓани. Но, како што напомена, од исклучителна важност е што по создавањето на законската основа се планирани и програми за обуки на 100 персонални асистенти. Тие лица ќе бидат обучени преку оперативните програми, а понатаму ќе бидат ангажирани преку програмите на МТСП