4 C
Skopje
понеделник, декември 9, 2019

Bugatti постави нов светски рекорд – нивниот „црн автомобил“ беше продаден за 16,7 милиони евра

Kabtel desktop

Најновиот автомобил на производителот на луксузни автомобили Bugatti, суперавтомобилот La Voiture Noire, официјално беше претставен вчера на саемот за автомобили во Женева, а она што е уште поневеројатно е дека автомобилот веќе се продаде. Тој вистински Batmobile беше продаден за неверојатни 16,7 милиони евра, а го купи германски ентузијаст за автомобилите на Bugatti.

Како што дознава CNBC, станува збор за поранешниот претседател на групацијата Volkswagen, Фердинанд Пих, кој е познат како колекционер на луксузни автомобили со високи перформанси. За перформансите на Lа Voiture Noirе засега не се знае многу, освен тоа дека има 8-литарски мотор со 16 цилиндри и 1.500 коњски сили, како и дека троши 35,2 литри гориво на 100 километри, а надвор од градските улици потрошувачката паѓа на 15,2 литри. Тоа значи просечна потрошувачка од 22,5 литри на 100 км.

La Voiture Noire е замислен како верзија на најпознатиот автомобил на синот на основачот на Bugatti, Еторе Бугати. Жан Бугати во 1936 година го направил автомобилот Type 57 SC Atlantic, кој денес е еден од најценетите луксузни класични автомобили во светот, а тој модел сега ја доби својата верзија за 21 век.

По својот изглед La Voiture Noirе наликува на автомобилот којн го носи суперхеројот од филмското платно Бетмен.

Сподели!
  •  
  •  

НАЈПОПУЛАРНИ

Сподели!
  •  
  •