18.8 C
Skopje
среда, октомври 16, 2019

Првата 3Д испечатена вештачка рака во Србија ќе ја добие мало девојче

Kabtel golem pod glavno menu 14.10.2019

Четиригодишно девојче од Врање ќе ја добие првата вештачка рака во Србија испечатена со 3Д принтер. Вештачката рака, односно протеза за подлактица, е изработена во лабораторијата iDEAlab на Факултетот за технички науки во Нови Сад.

Раководителот на лабораторијата iDEAlab, Владимир Тодоровиќ, вели дека семејството од Врање, чие дете има вроден недостаток на десната рака од половина подлактица, стапило во контакт со нив преку колега од iDEAlab Зеница, кои со модификации го направиле решението за протеза со поврзување со светската заедница која развива 3Д модели и преку веб-платформата Enabling the future.

Во лабораторијата во Нови Сад набрзо била направена првата вештачка рака со помош на 3Д принтер. По првото пробно склопување научниците ги увиделе потенцијалните проблеми и критичните места и направиле модификации за да се намали можноста за ненадејни откажувања на одредени делови.

Лабораторијата iDEAlab поседува најмодерни уреди за 3Д печатење. Допрва ќе биде организирано тестирање на раката за да се види дали може да се коригира уште нешто. Раката овозможува фаќање и држење на предмети, возење велосипед и пренесување предмети. Некоја следна етапа во истражувањето би била тоа девојче да може да пишува со таа рака, односно сите прсти да функционираат посебно, но за тоа им треба поддршка од фондови кои би го финансирале истражувањето.

Сподели!
  •  
  •  

НАЈПОПУЛАРНИ

Сподели!
  •  
  •