Нино и Мартин, основачите на CodeWell се претприемачи на годината во Македонија

Основачите на CodeWell, Нино Карас и Мартин Анчевски, се избрани за Претприемачи на годината во Македонија од страна на Европските Бизнис Награди, едно од најголемите, светски познати бизнис натпревари.
CodeWell како компанија беше избрана од 2,753 бизниси именувани како ‘Ones to Watch’, во листа на бизнис класа објавена во јули, а нејзините основачи именувани како победници во категоријата Европски претприемачи на годината во Македонија од страна на комисија составена од независни судии вклучувајќи бизнис лидери, политичари и академици. 
Нино Карас и Мартин Анчевски ќе продолжат да ја претставуваат нашата држава во финалната фаза од натпреварувањето. 
Нино Карас и Мартин Анчевски се основачи на CodeWell, наградувана интернационална компанија која е специјализирана во полето на Вештачката Интелигенција и Deep Learning-от, со фокус на Chatbot-ови и мобилни апликации.
CodeWell е локално позната како компанија позади неколку значајни македонскии стартап компании, меѓу кои стартапот Letz – првата македонска компанија која доби Venture Capital инвестиција, но првиот и единствен европски стартап кој ја доби престижната награда од Product Hunt во Силиконската Долина, натпреварувајќи се со гиганти како Google, Slack, Duolingo и останати.
Продуктите позади кои стои CodeWell на неколку наврати се најдоа и на страниците на најпознатите медиуми во светот, вклучувајќи ги Forbes, The Huffington Post, TechCrunch, Venture Beat и останати.
Последниот подвиг на компанијата е проширувањето формирањето на CodeWell Scandinavia со канцеларии во Осло, Норвешка со цел експанзијата на компанијата во Скандинавскиот регион на Европа.
Адриан Трип, извршен директор на Европските бизнис награди изјави: “Ова е значително постигнување за Нино и Мартин, и за нивната компанија CodeWell како исклучителен лидер во областа. Да се биде избран како Национален Победник значи дека бизнисот поседува голема иновативност, етика и успех и е еден од најдобрите бизниси во Европа. Им посакуваме многу среќа за последната фаза”
Нино и Мартин на 3 и 4 декември ќе се упатат кон Варшава, Полска за да ја завршат последната фаза од судењето и да присуствуваат на Самитот кај што ќе се вклучат во деловните теми со врвни лидери, како и на Гала церемонијата каде што ќе се објават сите победници на Европските бизнис награди 2019.
Европските бизнис награди се во 12 година на постоење и примарната цел е да го поддржат развојот на посилни и поуспешни бизнис заедници низ Европа. Оваа година земени во предвид се над 120,000 бизниси од 33 држави. Како спонзори и партнери се вбројуваат Inflexion, Germany Trade & Invest и Cision PR Newswire.