Хрватската радио-телевизија гради своја мини централа за струја

До 2021 година, во кругот на зградата на Хрватската радио и телевизија треба да биде изградена мини гасна централа за снабдување на медиумот со електрична енергија, греење и ладење, јавија хрватски медиуми.

Станува збор за инвестиција од 17,5 милиони евра во постројка од трета генерација што треба да биде изгрсади и со неа да управува компанија избрана на јавен конкурс.

ХРТ очекува дека со користењето и набавката на електрична енергија, топлина и ладење од новата мини централа ќе заштеди околу десет проценти од годишната потрошувачка на енергија.

Конечната заштеда зависи од исходот од јавниот конкурс чиј јавен тендер за изградба и работење на електраната е отворен до 24 февруари годинава.