Црни сценарија за светскиот туризам! Следува голем пад

- Advertisement -

Глобалниот туризам се очекува да падне за 70 проценти оваа година во однос на претходната, изјави денеска шефот на Светската туристичка организација на Обединетите нации (УНВТО).

– Претходните глобални кризни ситуации доведоа до пад на туризмот од 10 до 20 проценти, но пандемијата Ковид-19 е полоша, рече генералниот секретар на УНВТО, Зураб Пололикашвили на видео конференција за новинари со говорници во Мадрид, пренесува Си-Ен-Ен.

- Advertisement -

Тој рече дека ова лето поголем број луѓе ќе патуваат по копнен пат отколку со авиони, како и тоа дека планинскиот туризам ќе биде поактуелен од плажите.

УНВТО очекува меѓународните летови повеќе да продолжат во септември доколку вирусот биде под поголема контрола до тогаш.

- Advertisement -

Пололикашвили рече дека Европа ќе се смета за модел што треба да се следи, затоа што е најпосетуван регион и најдобро подготвен поради нејзината здравствена инфраструктура.

Според него, таканаречените „зелени коридори” што ќе овозможат насочено патување меѓу два региона, во различни земји, кои покажале ниска стапка на инфекција со коронавирус, би можеле да бидат првиот чекор кон рестартирање на меѓународниот туризам.

- Advertisement -

(МИА)

Сподели!
- Advertisement -