12 C
Skopje
среда, септември 30, 2020

ВИДЕО: Ова е првиот проѕирен телевизор во светот

TMF desktop 19.08.2020

Xiaomi деновиве слави 10 години постоење, па по тој повод претставија неколку славенички уреди. Најголемо внимание привлече првиот комерцијално достапен проѕирен телевизор во светот – Mi TV LUX Transparent Edition.

Овој телевизор е сон на секој љубител на добриот и чист дизајн, но и на љубителите на научна фантастика затоа што изгледа како нешто од научно-фантастичен филм. Екранот речиси нема рабови, целосно е провиден кога е исклучен, а со вклучувањето станува непроѕирен и прикажува слика која изгледа како да виси во воздух.

Наместо позадински панел за осветлување, овој телевизор целиот свој погонски склоп го има во компактниот држач, што значи дека ОЛЕД екранот може да биде самостоен, проѕирен и издвоен од остатокот од електрониката потребна за да работи.

Освен проѕирниот ОЛЕД панел, Xiaomi во своите погони произведува и управувачки склоп OLED Basic Module, па така оваа компанија може самостојно да го склопува својот прв проѕирен телевизор и тоа во сериско производство.

Телевизорот има дијагонала од 55 инчи, контраст 150.000:1. Mi TV LUX Transparent Edition ќе биде пуштен во продажба на 16 август, исклучиво во Кина, каде што ќе чини околу 6.000 евра.

(Bizlife, Xiaomi)

(фото: Xiaomi)

Сподели!
  •  
  •  

НАЈПОПУЛАРНИ

Сподели!
  •  
  •