Huawei во Кина го претстави својот нов флексибилен телефон Mate X2. Како што истакнаа на претставувањето, Mate X2 доаѓа со новиот дизајн Falcon Wing и дополнителни технолошки иновации.
Huawei Mate X2 има целосно нов компактен дизајн со намерно поместена точка на рамнотежа за полесно ракување со уредот, без оглед на тоа дали е отворен или склопен. Расклопениот екран е еден од најголемите во светот и нуди врвно корисничко искуство во две форми. Композитното куќиште од челик и карбонски влакна со висока цврстина го прави лесен, но истовремено цврст уред.
Во однос на камерите, има четири камери Ultra Vision Leica, а широкоаколната камера од 50 мегапиксели има еден од првите сензори со YYB филтри во боја, како и 4-во-1 pixel binning технологија и Full Pixel Octa PD автофокус за снимање висококвалитени фотографии. Камерата има перископски дизајн, а поддржува 10x оптички зум.
Телефонот има и моќен стерео систем со два звучници и брз Kirin 9000 5G процесор, како и батерија со капацитет од 4500mAh, која поддржува 55 W Huawei SuperCharge.
Флексибилниот екран има дијагонала од 8 инчи со магнетно контролиран наноотпички слој за да се намали рефлексијата. Од надворешната страна има ОЛЕД екран со големина од 6,45 инчи. И двата екрани имаат врвна респонзивност и брзина на освежување од 90Hz.
Инспириран од техниката long-take на фотоапаратите, големиот екран на телефонот има пакет од паметни опции дизајнирани за мултитаскинг. Така, со помош на опциите како Smart Multi-Window, Floating Window, App Multiplier, App Bubble и многу други корисниците можат ефикасно да вршат повеќе задачи дири и на еден екран.
(Zimo)
(фото: Huawei screenshot)
