Новите прогнози на Европската централна банка покажуваат дека инфлацијата ќе остане под целта од 2 отсто и во 2023-та и во 2024-та година, изјави пред „Bloomberg“ претставниците на институцијата запознаени со ова прашање. Ова и дава аргументи на менаџерката Кристин Лагард да го продолжи отпорот против зголемувањето на каматните стапки.
Иако растот на потрошувачките цени за следната година ќе биде над проектираните 2,2% во септември, тој потоа ќе забави, велат извори кои побараа анонимност бидејќи податоците се сè уште доверливи.
Прогнозите, кои за прв пат ја покриваат 2024-та година, се клучен фактор во обликувањето на патеката на политиката на ЕЦБ по пандемијата. Сепак, прогнозите не се официјални додека не бидат објавени по седницата на УО во четврток.
Портпаролот на ЕЦБ одби да коментира за „Bloomberg“.
Претстојниот 16-ти состанок веројатно ќе биде еден од најважните откако Лагард ја презеде функцијата во 2019-та година. Раководството на банката разговара за можни промени во купувањето средства и како да продолжи по завршувањето на нејзината вонредна програма за купување обврзници во март.
Повеќето економисти не очекуваат зголемување на каматните стапки најрано пред 2023-та година, а пазарите се обложуваат на зголемување од 10 базични поени во декември 2022-ра година.
Лагард се обидува да ги убеди инвеститорите да не очекуваат акција толку рано, тврдејќи дека моменталниот врв на инфлацијата е само привремен. Во моментов поскапувањето е 4,9%.
Сепак, аргументот на Лагард може да зависи од тоа колку ниски се целите. Колку е поблиску нивото од 2 проценти, толку полесно може да се зголеми тензијата од притисокот на цените.
Според еден извор, прогнозата ќе покаже дека инфлацијата е само малку под целта во 2023-та и 2024-та година и не ги зема предвид елементите што би можеле да ризикуваат забрзување. Такви фактори се трошоците за домување на сопствениците – нов фактор во пресметката, како и голем број најавени, но сѐ уште не воведени мерки, како што е зголемувањето на минималната плата за 25 отсто во Германија, вели изворот.
(Denar.mk)
