Британската компанија Cineworld Group, една од најголемите во индустријата за забава и втор најголем синџир на кина во светот, поднесе барање за банкрот. Како што пренесува The Guardian, Cineworld засега поднел барање за заштота од банкрот само во САД, а намерата е реконструирање откако британскиот гигант се соочи со мал број на посетители во киносалите.
Групацијата има 751 кино, вклучувајќи и над 500 во САД, над 100 во Велика Британија и во Ирска и други објекти ширум Европа и во Израел. Го поседува синџирот Picturehouse во Велика Британија и Regal кината во САД.
Зошто дојде до банкрот на овој синџир? Претходно медиумите пренесоа дека сопственикот на Regal Cinemas е во тешка ситуација затоа што акциите му паднале за дури 80% на средината на август.
Имено, Cineworld Group тогаш се посоветувал со адвокати за процесот на банкрот во САД и во Велика Британија, затоа што приемот во киносалите им е под оечкуваното. Во соопштението се вели дека поднесуваат барање за заштита од стечај од Поглавјето 11 и дека процесот на реструктурирање под надзор на судот а компанијата и дава време да преговара со доверителите за да постигне спогодба за намалување на долгот.
Од Cineworld велат дека ќе се обидат да имплементираат трансакција на раздолжување, која значително ќе го намали долгот на групацијата, ќе го зајакне биланост на состојба и ќе обезбеди финансиска моќ и флексибилност за забрзување и капитализација на стратегијата на компанијата во кино-индустријата.
(The Guardian)
(фото: Pin-Place)
