Вие сте проактивен студент на УКИМ, со голем интерес за сѐ поврзано со природните науки и иновации и со аспирација некој ден да станете успешен млад инженер. Но, се прашувате што е тоа што ќе ве издвои на пазарот на трудот и ќе ви помогне да станете одговорен инженер?
Клучот на ова прашање лежи во летниот настан БСЕ – „БЕСТ Симпозиум за Едукација“ организиран од БЕСТ Скопје!
БЕСТ Скопје (Борд на Европски Студенти по Технологија) е една од 85 локални групи на една поширока непрофитна, неполитичка, волонтерска организација која се простира во 30 Европски земји, обединети заедно да ја шириме нашата мисија и визија повразана со развојот на студентите. Тоа го остваруваме преку саеми за вработување и кариера, курсеви, натпревари и друго.
БСЕ е настан од студентите за студентите од едукативен, научен и културен карактер чија главна тема е „Одговорно инженерство“, со наслов „How to train your responsible engineer“ и ќе се одржува од 7-ми до 15-ти јули во Скопје на Техничко-технолошкиот кампус. Имено, настанот содржи сесии, работилници и дебати каде ќе се дискутира за одговорно, етичко и одржливо инженерство и неговата застапеност во наставните програми на универзитетите. Во организација на искусни интернационални студенти кои веруваат во моќта на активното учество во придонесот на развојот на нивното образование. Она што ќе го сработат учесниците од настанот ќе се преточи во научен труд кој притоа ќе се презентира на конференции низ Европа. Всушност овој настан е само дел од процесот на пишување на научен труд кои што ќе се презентира на конференциите SEFI, WEEF и други.
Културниот аспект на овој настан вклучува вмрежување и културна размена со студенти од Турција, Мексико, Австрија, Франција, Данска и уште многу други земји. Ќе имате можност да ги запознаете странските учесници со македонската култура и да бидете дел од многу дружби и активности.
Ако сте студент на УКИМ со амбиција да станете одговорен инженер, да се запознаете со студенти-истомисленици од цела Европа и пошироко и да дадете директен придонес во развојот на вашето образование, тогаш пријавете се на следната форма и бидете дел од највозбудливиот академски настан „БЕСТ Симпозиум за Едукација“! Не ви е потребно никакво почетно знаење, само желба за учење и споделување на идеи со истомисленици! Рокот за аплицирање е до 22.06 23ч.
Facebook: https://www.facebook.com/bestskopje
Instagram: https://www.instagram.com/bestskopje/
LinkedIn: https://mk.linkedin.com/company/best-skopje
