Кога Френк Синатра пееше за градот што никогаш не спие, веројатно не размислуваше за економскиот поттик што раздвижениот ноќен живот може да го даде на една метропола. Сепак, се поголем број градови ширум светот бараат начини да ја зајакнат својата економија.
Околу 100 градови сега имаат некаква форма на „ноќен градоначалник“ или „ноќен император“ за да го поттикнат овој бизнис. Но, повеќето од нив, вклучувајќи ги Лондон, Сиднеј и Њујорк, не се будни цела ноќ. Со други зборови, не дозволуваат баровите и ноќните клубови да останат отворени и да служат алкохол 24 часа на ден.
Сепак, подоцна оваа година, Монтреал – вториот по големина град во Канада – планира да воведе 24-часовен ноќен живот. По примерот на Берлин и Токио, баровите во новиот кварт за ноќен живот во центарот на Монтреал ќе добијат дозвола да останат отворени и да служат алкохол во текот на ноќта, пишува CNN.
Градските власти велат дека овој потег ќе донесе стотици милиони долари дополнителни приходи. Во моментов, баровите и клубовите во градот мора да затворат до 3 часот наутро.
Во 2022 година годишната финансиска вредност на ноќниот живот во Монтреал се проценува на 2,25 милијарди канадски долари (1,6 милијарди долари), според групацијата MTL 24/24. Оттаму тврдат дека 121 милион канадски долари од тоа отишле за владата како даноци.
Властите се надеваат дека тие бројки ќе се зголемат кога ќе им се дозволи на местата да останат отворени цела ноќ. Сепак, не сите ја поддржуваат промената. Граѓаните се загрижени како би стигнале дома ако метрото затвора во 1 и пол часот по полноќ.
И сопствениците на барови не се заодовлни со одлуката. Велат не можете само да кажете еве 24-часовни барови затоа што нема инфраструктура за поддршка на тоа. Нема 24-часовен јавен превоз, нема дополнително обезбедување. Потоа, тука се трошоците за живот. Ако луѓето не можат да си дозволат да излезат, без разлика на 24-часовната политика, тоа не менува ништо, велат тие.
Други имаат поинаков поглед на ситуацијата. Велат во Монтреал затвораат во 3 часот наутро, а луѓето се супер-пијани во 3 часот наутро. Еден од проблемите што ги имаат е тоа што е лудо во 3 часот наутро, но ако се продолжи работното време, ќе има помалку проблеми, ќе има помали проблеми со безбедноста. а побарувачка за безбедност,, објасни тој.
Во 2012 година, главниот град на Холандија, Амстердам, стана првиот град кој назначи ноќен градоначалник, Мирик Милано. Тој изјави дека за време на неговите шест години водење на ноќниот живот во Амстердам насилството поврзано со алкохолот паднало за 20%.
(Bizlife)
(фото: Wikimedia)
