Чамците и бродовите на кои се рпават забави се популарни и постојано се објавуваат на социјалните мрежи, а се повеќе луѓе бараат да ги купат. Сепак, овие луксузни чамци се поскапи отколку што може да си дозволи просечен човек. Една компанија по име DDD Manufaktúra има за цел да ги направи ваквите производи подостапни за просечниот човек, а еве и како.
Portless Catamaran е електричен чамец за надувување, кој се напојува со електричен вонбродски мотор и литиумски батерии. Уникатниот чамец се надувува во двокатен брод со доволно простор за 6-8 луѓе. Тој е исклучително лесен за транспорт бидејќи се вклопува во багажникот на автомобилот кога е целосно празен. Сето тоа спакувано тежи околу 120 кг.
Електричниот чамец е дизајниран да избегне пренатрупани пристаништа, како и да ги намали трошоците за гас. DDD Manufaktúra го проценува досегот на електричниот чамец на околу 30 км. Сепак, кога денот е сончев овој досег се зголемува поради оларниот панел од 200 W поставен на чамецот, и може да го одржува чамецот во движење цел ден со околу 7 км/ч.
Чамецот на DDD Manufaktura се напојува со мотор од 1 kW. Бидејќи е чамец на надувување, не е погоден за патувања на долги растојанија во сурови води, но подобро одговара за дружење на едно место над водата. Бродот за забава има вграден екран, која ја покажува преостанатата енергија од батеријата со цел да се осигура дека корисниците нема да се заглават на вода.
Полуксузна верзија на чамецот е Catamaran Deluxe, кој е долг 6 метри и тежи околу 350 кг. Сепак, стандардниот модел е дефинитивно полесен за ракување и транспорт.
Уникатниот дизајн на електричниот чамец е прилично едноставен, но има малку футуристички шарм. Покривот на катамаранот е направен од поцврст материјал од типичната ткаенина и може да функционира како втора палуба на водното возило. Portless Catamaran има 9 квадратни метри простор на главната палуба и 3 квадратни метри простор на горната палуба за сончање, набљудување и скокање во вода. Горната палуба може да издржи до 160 kg и до неа се пристапува преку скали вградени во внатрешниот страничен ѕид.
Цената започнува од 11.920 евра за едноделниот чамец без палуба и 12.620 евра за верзијата со четири парчиња. Тие цени вклучуваат електрична пумпа и скали за пливање. Купувачите можат да се надградат со неколку достапни опции, како што се помоќен е-погон од 3 kW и волан.
(Startup Selfie)
(фото: DDD Manufaktura)
