Верувале или не, компанијата Bugatti Rimac успеа од веќе „бесната“ Nevera да направи уште „побесен“ автомобил. Го нарекоа Nevera R, а неговата изведба е едноставно неверојатна.
На еден од најважните автомобилски настани во светот, The Quail: A Motorsports Gathering во Калифорнија, Bugatti Rimac ја претстави најновата верзија на својот електричен хиперавтомобил – Neverа R.
Замислена како агресивно алтер его на веќе „бесната“ Nevera, новата верзија претставува премин од хипер GT автомобил во хиперспортски автомобил, истакнуваат од компанијата. И како што сугерира неговото име, развојот на Nevera R ја следи филозофијата на брендот Rimac: Radical, Rebellious, Relentless.
Благодарение на новата генерација на системот за вртежен момент на Rimac и новите напредни сопирачки, во комбинација со нов систем за батерии ориентиран кон перформансите и достапни 2.107 коњски сили, Nevera R е дизајнирана за возбудливо возење, се посочува во соопштението на Bugatti Rimac.
„Кога ја развивавме Nevera, важен дел од задачата беше да го направиме автомобилот Grand Tourer. Се обидовме да го направиме простран и удобен автомобил, кој претставува рамнотежа меѓу возбудата и употребливоста, интуитивното управување. Финалниот производ совршено ја воспостави таа рамнотежа: добивме автомобил со врвни перформанси, кој постави бројни светски рекорди и може удобно да се вози илјадници километри низ различни континенти“, истакна Мате Римац, извршен директор на Rimac Group.
„Nevera беше пресвртница на пазарот на хиперавтомобили: првиот електричен хиперавтомобил кој ја предводи новата генерација и ја постави лентата за перформанси на ново ниво. Но, ние постојано го приспособувавме на желбите на клиентите, од кои многумина сакаа автомобил што ќе ја нагласи способноста на Nevera во кривини, благодарение на вградената напредна технологија. Нашиот одговор на тоа е Nevera R: ја има ДНК на рекордерот Nevera, но е побрза и пофокусирана“, додава Римац.
Дизајнерите и инженерите во Bugatti Rimac и Rimac Technology детално ги утврдиле карактеристиките на Nevera и модифицирале одредени елементи и динамика на возење со цел да создадат нов лик од Nevera. Покрај поконцентрираната динамика на возење, батерија ориентирана кон перформансите, поголема моќност и понапредни сопирачки, Nevera R има и освежен визуелен идентитет заснован на перформансите, што, патем, веќе беше апсолутно неверојатно во оригиналниот модел и сега уште повеќе и подобро.
Во дизајнот на Nevera R се издвојуваат чистите површини и акцентот на совршените пропорции. Покрај тоа, не само што изгледа пониско и поелегантно, туку е наведната напред со оглед на тоа што има поголеми задни тркала со дијаметар од 21 инчи и предни тркала со дијаметар од 20 инчи. Предниот дел на автомобилот е впечатлив и технички по природа, со хоризонтални линии кои ја нагласуваат аеродинамичната ефикасност, положбата и ширината. Отстрана забележлив е хармоничен баланс на бојата на каросеријата и деловите обработени во видлив карбон, што дополнително го нагласува безвременскиот, динамичен профил на автомобилот.
Новото стилско решение за тркалата се издвојува со подолги краци за да се нагласи нивната големина и јасната поделба на боите. Големото фиксирано задно крило во комбинација со агресивни аеродинамички елементи, кои вклучуваат нов голем дифузор, ја зголемува надолната сила за 15 проценти и аеродинамичката ефикасност за 10% во споредба со Nevera. Благодарение на новите гуми Michelin Cup 2, времето на кругот на патеката Нардо е намалено за 3,8 секунди.
Nevera R може да им пркоси на законите на физиката како никогаш досега. Секој елемент од автомобилот, изработен во согласност со дизајнерската филозофија ориентирана кон перформансите, е дизајниран да резултира со агилност и поголемо управување.
Автомобилот доаѓа опремен со нова генерација на батериски систем Rimac Technology од 108 kWh и ја користи најновата технологија за да обезбеди поголема моќност и ефикасност во ново и полесно пакување. Дополнително, со достапни 2.107 коњски сили, Nevera R исто така има побрзи перформанси во права линија од претходната Nevera, достигнувајќи брзина до 300 km/h за само 8,66 секунди. Новите јаглерод-керамички сопирачки EVO2 со слој од силиконска матрица ги зголемуваат перформансите за запирање и го подобруваат ладењето и издржливоста при употреба.
Nevera R беше премиерно претставена во боја наречена Nebula Green и како таква претставува визуелна еволуција на приказната за брендот Rimac, со зелените елементи на Lightning Green на моделот Nevera Time Attack сега во нова палета на бои, внатре и надвор.
Внатрешноста на Nevera, која е фокусирана на возачот и е исклучително приспособлива, има нови опции за боја и опции за прилагодување според желбите на купувачот. Бојата на карбонските елементи, како основна структура на контролната табла и украсите на централната конзола, може да биде идентична со бојата на надворешноста или да се менува според желбата на купувачот.
Nevera R ќе биде ограничена на производство на само 40 примероци ширум светот, а почетната цена е значителни 2,3 милиони евра.
(Zimo)
(фото: Rimac)
