Ако сакате да се гушкате долго пред да заминете или кога ќе пристигнете од патување, може да се најдете во неволја ако сте на аеродром во Нов Зеланд Имено, еѓународниот аеродром Данедин (град на Јужниот Остров) воведе ограничување на прегратките од три минути како дел од поширокиот план за подобрување на безбедноста и избегнување метеж во областа на пристигнувања и поаѓања.
Натписот поставен на аеродромот предупредува дека максималното дозволено време за прегратка е три минути: „За поубаво збогум, искористете го паркингот“.
Главниот извршен директор на аеродромот Данедин, Дан де Боно, изјави за Радио Нов Зеланд дека предупредувачките пораки во областите за качување и слетување може да бидат „прилично интензивни“ и да вклучуваат наметнување казни – нешто што аеродромот сакаше да го избегне.
„Се обидуваме да се забавуваме со тоа. Тоа е аеродром и тие локации се вообичаени локации за збогување“, истакна Де Боно, додавајќи дека премногу луѓе останале во зоната премногу долго.
Кога некои патници остануваат предолго, нема простор за други да поминат или да се збогуваат со своите најблиски. Се работи за овозможување на другите да се прегрнат,, објасни Де Боно.
Според него, понекогаш патниците ја користеле зоната на поаѓање за да се вклучат во љубовни афери во последен момент.
„Аеродромите се места каде што емоциите се многу силни. Нашиот персонал со текот на годините видел некои многу интересни работи Де Боно призна дека новиот знак „предизвика доста возбуда“.
Незадоволството од правилата за должина на прегратките на аеродромот рапидно расте. Корисниците на Фејсбук истакнуваат дека никој не може да им диктира на луѓето колку долго да се гушкаат, а има и мислења дека правилото е „нехумано“.
Од друга страна, има и такви кои го фалат потегот на аеродромот во Нов Зеланд за неговиот пријателски пристап, во време кога аеродромите ширум светот воведуваат такси за минување низ зоната на пристигнување и полетување.
Аеродромот Данедин нема да има специјална полициска единица за спроведување на правилото за времетраење на прегратката, објаснува Де Боно, но ќе се случи персоналот учтиво да ги замоли оние што се задржуваат да се упатат кон паркингот.
„Ние не сме тука да им кажуваме на луѓето колку долго треба да се гушкаат, тоа е повеќе порака да се продолжи понатаму и да се обезбеди простор за другите.
(RTS)
(фото: Flickr)
