Вниманието на светот на технолошките достигнувања во мобилната индустрија е свртено кон Samsung, откако вчера овој лидер на пазарот за мобилни телефони ја лансираше најновата серија Galaxy S25 претставувајќи ги своите флегшип телефони.
Во срцето на серијата Galaxy S25 се крие револуционерната Galaxy AI вештачка интелигенција која и овој пат поставува нови стандарди во мобилната индустрија. Galaxy S25 Ultra, Galaxy S25+ и Galaxy S25, во комбинација со новиот кориснички интерфејс One UI 7, не се само телефони – тие се ваши интелигентни ВИ придружници кои ќе го трансформираат вашето секојдневие. За ова е заслужен моќниот Qualcomm Snapdragon® 8 Elite чип, специјално дизајниран и оптимизиран за серијата Galaxy S25. Овој иновативен процесор донесува водечки перформанси во индустријата, поттикнувајќи извонредна брзина и користење на вештачка интелигенција.
Со значајни подобрувања во перформансите од 40% во NPU, 37% во CPU и 30% во GPU во споредба со претходната генерација, серијата Galaxy S25 ги поставува новите граници за мобилните уреди. Процесорот не само што обезбедува беспрекорна брзина, туку и овозможува вештачката интелигенција да работи со неверојатна прецизност и ефикасност, правејќи ги вашите мобилни интеракции побрзи, посигурни и поперсонализирани од кога било.
Ново ниво на персонализираност и напредни паметни функции
Серијата Galaxy S25 ги поставува новите стандарди за корисничко искуство, нудејќи интелигентни функции за вашето секојдневие, со посебен фокус на безбедноста на податоците. Било да се работи за пребарување стари фотографии во фалеријата или сумирање на денот со функцијата Now Brief, Galaxy S25 користи систем за лични податоци кој не само што обезбедува максимална безбедност, туку и гарантира дека вашата приватност е секогаш заштитена. Personal Data Engine ја анализира вашата активност, преференции и спомени, овозможувајќи персонализирани искуства кои се интегрирани во повеќе апликации. Ова создава постојано поврзано искуство, правејќи го вашиот Galaxy S25 уште поинтуитивен и корисен во секој момент.
Функцијата Пребарување со заокружување (Circle to Search), која ја познавате, е значително унапредена. Сега, пребарувањето на екранот не е само брзо и едноставно, туку и контекстуално прилагодено. Со едноставен допир, Galaxy S25 автоматски препознава телефонски броеви, е-пошта и URL-адреси, овозможувајќи ви да се јавите, испратите порака или посетите веб-страница без никаков напор.
Серијата Galaxy S25 дополнително ги унапредува и популарните алатки на Galaxy AI за комуникација, продуктивност и креативност. Функцијата за Транскрипција на повик (Call Transcript) и резиме ја организираат вашата комуникација, додека Помошта при пишување овозможува резимирање на содржина и автоматско форматирање на белешки, без потреба за префрлање помеѓу апликации. За дополнителна креативност, функцијата Помош за цртање (Drawing Assist) овозможува комбинирање на скици, текст и визуелни насоки за оживување на вашите идеи.
Серијата Galaxy S25 го носи балансот помеѓу висока функционалност и максимална заштита на личните податоци, овозможувајќи персонализирано, сигурно и интуитивно мобилно искуство.
Револуција во мобилната фотографија и видео
Galaxy S25 серијата не само што поставува нови стандарди во мобилната фотографија, туку ги трансформира и вашите моменти во беспрекорни уметнички дела. Со напредни сензори со висока резолуција и иновативниот ProVisual Engine, оваа серија обезбедува максимално детални и живописни снимки. Ултра-широката камера од 50 MP носи неверојатна јасност и деталност, додека 10-битното HDR снимање ги оживува боите, со четирипати побогат израз во споредба со традиционалните технологии.
Независно од условите за осветлување, Galaxy S25 серијата ја надминува конкуренцијата, со неверојатни резултати и во слаба светлина. Благодарение на моќниот процесор и напредното намалување на бучавата, вашите фотографии и видеа се секогаш јасни и прецизни.
Но, тоа не е сé – новите алатки за уредување ги прават напредните функции достапни за секого. Audio Eraser автоматски ги отстранува несаканите звуци, додека Virtual Aperture, интегрирана во популарниот режим Expert RAW, овозможува контролирање на длабочината на полето за целосно DSLR-искуство на мобилен уред. Серијата Galaxy S25 го носи и кинематографското создавање на содржини на ново ниво, со Galaxy Log и прецизни опции за градирање на боите.
Функцијата Portrait Studio ви овозможува да креирате аватари со реални изрази на лицето, додека новите филтри додаваат филмска естетика на вашите фотографии и видеа, правејќи секој момент да изгледа како професионално уреден. Сите овие иновации комбинираат врвна технологија и креативност за да ви овозможат единствено и беспрекорно мобилно искуство.
Иновативен дизајн и врвни перформанси за иднината
Серијата Galaxy S25 нуди беспрекорен дизајн со заоблени рабови кај сите три модели. Galaxy S25 Ultra е 15% потенок од претходниците, изработен од издржлив титаниум и новиот Corning® Gorilla® Armor 2, кој нуди понапредна заштита од падови, отпорност на гребење и анти-рефлексен третман. Достапен е во четири премиум бои: титаниум сребрено-сина, титаниум црна, титаниум бело-сребрена и титаниум сива.
Galaxy S25+ и Galaxy S25 ги користат рециклираните материјали во секоја надворешна компонента, вклучувајќи металната рамка од рециклиран оклопен алуминиум. Овие модели ќе бидат достапни во темносина, сребрена, ледено сина и ментол зелена боја.
Со седум генерации на надградби и седум години безбедносни ажурирања, Galaxy S25 серијата гарантира сигурни и оптимизирани перформанси со долгорочен животен век. Овие телефони се идеални за љубителите на технологијата, дигитални номади и сите кои бараат најнови иновации, обезбедувајќи искуство што ќе ги надмине вашите очекувања.
Достапност за нарачка
Уште веднаш можете да направите нарачка на уредите од најновата серија Galaxy S25. Бидете чекор пред сите и нарачајте го онлајн вашиот нов Galaxy S25, Galaxy S25+ или Galaxy S25 Ultra.
