Меѓународната агенција за енергија предупреди дека конфликтот би можел да го уништи растот на глобалната побарувачка за нафта
Цените на нафтата денес паднаа по знаците дека САД и Иран би можеле да ги продолжат разговорите.
Нафтата Брент падна за повеќе од 4,3 проценти, на ниво од околу 95 долари за барел, како и американската сурова нафта WTI (West Texas Intermediate), која падна за нешто помалку од седум проценти, на нешто помалку од 92 долари за барел, објави „Trading Economics“.
Во тек се разговори за одржување на уште една рунда разговори пред да истече двонеделното примирје, а извештаите сугерираат дека разговорите би можеле да се одржат во Пакистан. Страните не успеаја да постигнат договор по долгите разговори во текот на викендот, што го поттикна американскиот претседател Доналд Трамп да објави блокада на испораките на иранска нафта.
Саудиска Арабија ги повика САД да ја укинат блокадата и да се вратат на дипломатијата. vВо меѓувреме, Меѓународната агенција за енергија (IEA) предупреди дека конфликтот би можел да го уништи растот на глобалната побарувачка за нафта оваа година, што е првиот годишен пад од пандемијата, забележувајќи дека цените можеби сè уште не го одразуваат обемот на нарушувањето.
Војната ја оштети инфраструктурата на енергетскиот сектор и сериозно го ограничи сообраќајот низ Ормутскиот теснец, а извештајот на ОПЕК Плус покажува дека производството се намалило за 7,9 милиони барели дневно во март, пренесува Танјуг.
Фото – Pxfuel
