Корисниците сè уште ќе можат да читаат е-книги што веќе се преземени, а нивните сметки и библиотеката на Kindle ќе останат достапни преку мобилните и десктоп апликациите.
Amazon ќе престане да ги поддржува постарите Kindle уреди, оставајќи ги долгогодишните обожаватели на е-книги без пристап до нова содржина од Kindle Store. Уредите лансирани во 2012 година или порано повеќе нема да добиваат ажурирања од 20 мај, што ќе влијае на сопствениците на постари Kindle, вклучувајќи ги и најраните модели како Touch и некои Fire таблети. Се проценува дека околу два милиони е-читачи би можеле да бидат засегнати, пишува Forbes.
Корисниците сè уште ќе можат да читаат е-книги што веќе се преземени, а нивните сметки и библиотеката на Kindle ќе останат достапни преку мобилните и десктоп апликациите. На активните корисници им беа понудени попусти за „надградба на понови уреди“. Amazon предупредува дека ресетирањето на засегнатите Kindle уреди на фабричките поставки може да го направи уредот неупотреблив.
Разочараните корисници го изразија своето незадоволство преку интернет, обвинувајќи го Амазон за „создавање отпад во големи размери“ и истакнувајќи дека нивните уреди, иако сè уште функционални, ќе станат практично бескорисни.
(Poslovni.hr)
Фото – Pick Pik
