Корисниците низ целиот свет од попладнево се соочуваат со големи тешкотии при пристапот до популарните социјални мрежи на Мета. Апликациите Facebook, Instagram, Messenger беа целосно недостапни. Според извештаите на корисниците на платформата Downdetector, проблемите започнале ненадејно и се манифестираат на неколку начини.
Корисниците на Facebook масовно се одјавени од своите профили и не можат повторно да се најават, додека корисниците на Instagram имаат тешкотии при испраќање пораки и објавување содржина. Апликацијата Мessenger го прикажува статусот „Се поврзува“ и испраќањето пораки е целосно суспендирано.
Интересно е што WhatsApp, кој е исто така во сопственост на Мeta, работи без поголеми проблеми за повеќето корисници. Сè уште нема официјална изјава од Мeta за тоа што го предизвикало овој масовен прекин.
(Klix.ba)
(фото: Free Malaysia Today)
