Вчера во Истанбул беше отворена најдолгата и најбрзата метро линија во Турција. Ова е една од најдолгите метро линии во светот.
Таа го поврзува центарот на Истанбул и неговиот главен аеродром. Последниот дел од метро линијата Халкали – Арнавуткој, долг 22 километри, беше пуштен во употреба вчера. Делницата официјално ја отвори турскиот претседател Реџеп Таип Ердоган.
Споменатата делница е дел од метро линијата Гајретепе – Аеродром Истанбул – Халкали. На рутата долга 69 километри има 16 станици. Претходните делници, долги 47 километри, беа последователно пуштени во употреба во последните години.
На оваа линија ќе возат 25 возови, од кои 15 се целосно без возач, со брзина до 120 километри на час.
Изградбата на оваа метро линија чинеше 1,5 милијарди евра (три милијарди КМ). Турската влада процени дека овој проект ќе генерира економски придобивки од 935 милиони евра (повеќе од 1,8 милијарди КМ) до 2043 година, првенствено преку пониски трошоци за одржување на патиштата и пониски оперативни трошоци.
Дополнително, се претпоставува дека намалувањето на сообраќајните метежи ќе им заштеди на патниците 117 милиони часови до 2047 година, пишува весникот „Дејли Сабах“.
(B92)
Фото – Needpix
