Апликацијата за личен развој RiseGuide бара „Глобален извидник за харизма“ за да создаде индекс со градови каде што е најлесно да се започне разговор со странци. Фразата работа од соништата не се користи често, но оваа за многумина ја заслужува таа титула – работа што вклучува платено патување низ Европа и разговори со целосни странци.
RiseGuide ќе го плаќа извидникот околу 2.630 евра месечно за да патува низ Европа осум недели и да ги евидентира своите искуства во разговорите со луѓето. Избраниот кандидат ќе го оцени секој град според пријателството на неговите жители, нивната подготвеност за разговор и леснотијата на воспоставување контакт. Врз основа на овие податоци ќе се создаде Европски индекс на харизма, кој ќе покаже во кои градови е најлесно да се започне разговор со странци.
Од кандидатите се очекува да бидат енергични, дружељубиви, независни и да уживаат во работата со луѓе. Тие исто така мора да бидат способни да патуваат во рамките на Европската унија и да бидат подготвени да живеат од куфер два месеци. Познавањето на друг странски јазик се смета за предност.
Индексот ќе ги вклучува Рим, Барселона, Лисабон, Париз, Даблин, Атина, Амстердам и Берлин.
Покрај платата, RiseGuide ќе ги покрие сите патни трошоци, вклучувајќи авионски билети, сместување и активности за време на градските тури.
Апликациите за позицијата „Глобален извидник за харизма“ се поднесуваат онлајн на овој линк. Заедно со биографијата, кандидатите треба да испратат и видео од три до четири минути во кое ќе објаснат зошто веруваат дека се вистинскиот избор за оваа работа.
Апликацијата мора да вклучува и линкови до јавни профили на социјалните мрежи, како што се Instagram или TikTok.
(Euronews)
(фото: Cottage Vacations)
