Грција е прогласена за најубава земја во светот за 2026 година, според новиот извештај на World Population Review.
Листата „Најубавите земји во светот 2026“ е составена врз основа на податоци од меѓународни публикации и списанија, вклучувајќи ги Condé Nast Traveler, Ranker, Rough Guides и Travel + Leisure.
И не е изненадување што Грција се издвојува како најубава во целина – таа е меѓу највисоко рангираните дестинации во неколку меѓународни анкети за убавина и патувања, заземајќи го првото место на листата „Најсликовити земји“ на US News за 2025 година, второто место на листата на Ranker за 2023 година и третото место на листата „Најубавите земји во светот“ на Condé Nast Traveler.
„Грција веројатно можеше да се најде на оваа листа само благодарение на Санторини, чии препознатливи бели куќи со светло сини куполи се речиси неизбежен мотив во секоја фотографска приказна за најубавите пејзажи во светот“, се наведува во извештајот.
Континентална Грција е позната по знаменитости како што се Партенон, античките урнатини на Делфи, манастирите на Метеора кои се издигаат на импресивни карпи. Плажите во земјата се разновидни и едни од најубавите во светот.
Нов Зеланд го освои второто место, благодарение на драматичните пејзажи и спектакуларната природа што го направија омилена локација за снимање фантастични филмови. Италија е трета, признаена по својата бујна природа и богато културно наследство, додека Шпанија и Швајцарија ги заокружуваат петте најубави земји во светот.
(Nova.rs)
(фото: Pxhere)
