На 14 октомври 2026 година КАБТЕЛ, во соработка со NAKIVO, одржа настан „NAKIVO& KABTEL: Next Generation Backup & Data Protection“, во М6 Едукативниот центар во Скопје, посветен на современите решенија за резервна копија, заштита и обновување на деловните податоци. Настанот се одржа во посебно значајна година за КАБТЕЛ, кој одбележува 25 години посветеност на технологијата, иновациите и развојот на сигурни ИТ-решенија за бизнисите.
Настанот го водеше Дарио Буонпенсиере (Dario Buonpensiere), Technical Pre-sales Engineer во NAKIVO. ИТ-професионалците и претставниците на компаниите имаа можност да се запознаат со можностите на NAKIVO Backup & Replication, со посебен акцент на заштитата на виртуелните инфраструктури и податоците во Microsoft 365. Преку практични демонстрации беа претставени начините на кои современите решенија за резервна копија и обновување можат да придонесат за поголема сигурност на податоците, намалување на прекините во работењето и обезбедување деловен континуитет.
Во време кога кибер-заканите и ризиците од губење податоци претставуваат сè поголем предизвик за компаниите, сигурната стратегија за резервна копија и обновување по инцидент е неопходен дел од отпорната и безбедна ИТ-инфраструктура.
Веќе 25 години, КАБТЕЛ ги поддржува организациите во нивниот дигитален развој, обезбедувајќи технолошки решенија и експертиза за посигурно и поефикасно работење. Соработката со NAKIVO и организацијата на вакви стручни настани ја потврдуваат посветеноста на компанијата кон споделување знаење, иновации и примена на технологии што одговараат на реалните потреби на бизнисите.
Настанот овозможи и размена на професионални искуства, вмрежување и дискусија за актуелните предизвици во заштитата на податоците и управувањето со ИТ-инфраструктурата.
„Во услови кога податоците се еден од највредните ресурси на секоја организација, сигурниот бекап и можноста за брзо обновување се клучни за непречено работење. Преку соработката со NAKIVO, КАБТЕЛ продолжува да им нуди на македонските компании пристап до современи технологии и практични решенија за подобрување на нивната ИТ-безбедност и отпорност“, истакнуваат од КАБТЕЛ.
Настанот заврши со неформално дружење и можност за вмрежување на учесниците, продолжувајќи ја дискусијата за можностите за унапредување на ИТ-инфраструктурата и заштитата на деловните податоци.
Одбележувајќи 25 години технологија, доверба и иновации, КАБТЕЛ продолжува да ја зајакнува својата улога како партнер на компаниите во процесите на дигитализација, модернизација на ИТ-инфраструктурата и имплементација на решенија за сигурно и континуирано работење.
