6.1 C
Skopje
вторник, декември 10, 2019

Facebook се обидува да отвори канцеларија во Кина

Kabtel desktop

Американската компанија Facebook доби лиценца за отворање канцеларија во Кина во обид конечно да се пробие на тој профитабилен пазар, на кој неговата интернет-страница е блокирана од 2009 година. Ако Facebook отвори канцеларија, тоа би било првото формално присуство на компанијата во Кина. Меѓутоа, во меѓувреме регистрацијата на канцеларијата е отстранета од веб-страницата на кинеската влада, што укажува на можни компликации, пишува SEEBiz.eu.

Кина е најголемиот глобален пазар за социјални медиуми, но пристапот за страници од типот на Twitter, Facebook и YouTube е блокиран за корисниците во земјата. Наместо тоа, тие можат да пристапат само до домашни страници на социјални мрежи како што се Weibo, Renren и YouKu.

Основачот на Facebook, Марк Цукерберг, во неколку наврати се обиде да ги шармира кинеските државници, па дури научи да зборува и мандарински и трчаше околу плоштадот Тианамен во 2016 година. Подружницата на Facebook е регистриран во јужниот кинески град Хангжу и е финансирана со инвестиција од 30 милиони фунти. Во поднесеното барање, кое повеќе не е јавно достапно, меѓу другото, се наведува дека опсегот на работата на канцеларијата че вклучува развој на технологија, технички услуги и инвестициско советување.

Амбицијата на Facebook да се пробие на кинескиот пазар не е нова, но се чини дека од минатата недела е сопрен секаков потег на компанијата во Кина. „Далеку сме од тоа да можеме да правиме што било“ изјави Цукерберг.

Сподели!
  •  
  •  

НАЈПОПУЛАРНИ

Сподели!
  •  
  •