Отворена Интернет продавница на Tinex

Еден од најголемите синџири на маркети во Македонија, Tinex вчера отвори своја онлајн продавница, која во моментов е достапна само за скопјани.

Во продавницата E-Tinex  сега се достапни 6000 производи во 22 категории, и тоа зеленчук и овошје, средства за хигиена и производи за домаќинствата.
Доставата до дома на купените производи се наплатува и зависи од вредноста на нарачката. За износ од 900 денари се доплаќа 100 денари, за износ од 901 до 2.500 денари доставата чини 40 денари, а за нарачки кои чинат повеќе од 2.501 денари доставата е бесплатна.