Huawei и Русија потпишаа договор за развој на 5G технологија

Најголемиот мобилен оператор во Русија, MTS, потпиша дововор за работа на своите мрежи на стандардот 5G. Тестирањето е предвидено за подоцна во текот на 2019 и на почетокот на 2020 година. Договорот е потпишан при посетата на кинескиот претседател Џи Јинпинг во Москва.

MTS во 2017 година имал 78,3 милиони претплатници во Русија, а исто така работи и во Украина, Белорусија и во Ерменија, така што вкупно има од 100 милиони корисници. Huawei се соочува со обвиненија дека неговата опрема за 5G мрежи и овозможува на кинеската влада пристап до осетливи информации.

Одредени земји се откажаа од 5G мрежата на Huawei, додека некои и понатаму се неодлучни по тоа прашање. Huawei е најголем светски производител на телекомуникациска опрема.