7.8 C
Skopje
понеделник, февруари 17, 2020

Голем јубилеј со големо име за отворањето – 40-тото издание на „Браќа Манаки” го отвора „Болка и слава” на Алмодовар

 
Престижниот филмски фестивал „Браќа Манаки” оваа година се одржува по јубилеен 40-ти пат, а ќе го отвори новиот филм на култниот шпанскиот режисер Педро Алмодовар, кој својата премиера ја имаше на годинешното издание на Канскиот филмски фестивал. И оваа година, како и изминатите Халкбанк со големо задоволство го поддржува фестивалот „Браќа Манаки”.
„Халкбанк со особена чест и задоволство го помага одржувањето на најпознатиот и воедно најпрестижниот филмски фестивал во нашата земја. Низ годините на овој фестивал се појавиле големи имиња од светската кинематографија и секако оваа година нема да биде исклучок. Горди сме што сме дел од истиот и понатаму ќе се трудиме да бидеме поддржувачи на развојот на културата и културните настани во земјава”, велат од Халкбанк.
Организаторите објавија дека веќе е готова селекцијата на филмови кои ќе се натпреваруваат за Златна, Сребрена и Бронзена Камера 300 и додадоа дека во годинешната селекција се вклучени повеќе филмови со експлозивна визуелна динамика, што ги одразува и надградува идеите на сценаристите и режисерите. Познат е и составот на стручното жири: Едвард Лакман од Соединетите Американски Држави, претседател; Ненад Дукиќ од Србија, Доминик Велински од Франција, Калојан Божилов од Бугарија и Фејми Даут од Македонија.
Отворањето на 40-тото издание на фестивалот „Браќа Манаки” е закажано на 14 септември, традиционално во Битола.
 

Сподели!
  •  
  •  

НАЈПОПУЛАРНИ

Сподели!
  •  
  •