Група од 110 хуманоидни роботи од компанијата AgiBot танцуваа истовремено во кинескиот град Џинан во саботата, поставувајќи Гинисов светски рекорд, соопшти компанијата.
Роботите Модел А3 изведоа координирана танцова кореографија, движења на бранови и промени на формации, а исто така изведоа и движења на таи чи. Според AgiBot, предизвикот го следеше судија од Гинисовата книга на рекорди, кој по изведбата додели сертификат, објавува China News Service преку Ројтерс.
Движењата на сите роботи беа координирани од платформата за управување со флотата LinkBots, со технологија за позиционирање. Компанијата истакнува дека сите 110 роботи се од сериско производство, а не специјално адаптирани примери за демонстрација. Изведбата беше тест за тоа колку прецизно можат да ја држат својата позиција и да ги координираат своите движења додека работат заедно на отворен простор.
AgiBot вели дека ваквите можности би можеле да се користат за паради на отворено, настапи на туристички локации и други активности што бараат голем број роботи. По рекордот, роботите ќе работат во јавните услуги, туризмот и забавата, на изложби, во истражувањето и образованието.
Во Џинан, AgiBot започна и пробна работа на станиците на метрото, каде што роботите им даваат насоки на патниците, помагаат во насочувањето на сообраќајот и ја претставуваат локалната култура, според компанијата.
(Klix.ba)
Фото – Pexels / Igovar Igovar
