Google конечно на Android воведе опција која корисниците на iPhone ја имаат со години

Со години како главна маана при преминувањето од iOS на Android корисниците го посочуваа немањето iMessage. Системот за допишување на Apple им овозможува на корисниците да разменуваат пораки со други iOS корисници на кој било друг iOS уред.

Сега и Google одлучи да понуди решение кое би требало да биде многу слично на iMessage, а воедно и да им олесни на корисниците кои преминуваат од iOS на Android да се навикнат на новиот систем.

Google Chat, всушност, е додаток на апликацијата Messages и ќе биде целосно достапен за сите корисници на Android. Уште во јуни Google го тестираше Chat во Велика Британија, Франција и во Мексико, а сега стана достапен и во САД и во зависност од ажурирањето и во остатокот од светот.