16.1 C
Skopje
петок, јуни 5, 2020

Израел преку мобилните телефони ќе ги следи граѓаните за да спречи ширење на коронавирусoт

Kabtel desktop

Владата на Израел неодамна одобри итни мерки за пронаоѓање на лицата за кои постои сомнение или потврдено е дека биле заразени со коронавирусот, така што ќе ги набљудува нивните мобилни телефони. Ова веднаш поттикна загриженост за приватноста во земјата.

Кабинетот едногласно ја одобри употребата на технологијата – развиена првично за цели на борба против тероризмот.

Израелскиот премиер, Бенјамин Нетанјаху, рече дека властите ќе ги користат податоците за да ги известат луѓето кои можеби биле во контакт со некој заразен со вирусот, а исто така и за спроведување мерки за карантин.

Во телевизиско гостување, Нетанјаху рече дека ваквиот мониторинг ќе биде на сила 30 дена.

Користејќи ги овластувањата за итни случаи, тој го заобиколи вообичаениот процес, односно одобрување од израелскиот парламент.

Здружението за граѓански права во Израел соопшти дека обезбедувањето на внатрешната агенција за безбедност на земјата, Шин Бет, со нови тајни овластувања е „опасен преседан и лизгав терен кон кој мора да се пристапи и да се реши со многу дебати, а не по кратка дискусија“.

Неколку земји ја користеа досега технологијата за дигитално да го следат ширењето на вирусот, иако со различни степени на инвазивност. Иран е обвинета дека барала од луѓето да преземат апликација во која се тврди дека помагаат во идентификување на симптомите на коронавирус, но наместо тоа, собрала податоци за локацијата.

Кина го прошири својот веќе интензивен масовен надзор, при што телекомуникациските оператори ги следат движењата на луѓето додека компаниите ја користеа технологијата за препознавање на лицето.

Во Јужна Кореја, владата испрати пораки до јавноста дека ги детализираат движењата на луѓето на кои неодамна им е дијагностициран вирус. Тие имаа за цел да помогнат да се идентификуваат нови случаи и оние кои се изложени на ризик, но честопати служеа за изложување на срамни лични информации. Додека текстовите не даваат имиња, тие споделуваат детали за полот и возраста.

Со над 5.000 потврдени случаи на коронавирус, Израел затвори голем дел од земјата, вклучувајќи хотели, кафулиња, ресторани, кина, театри и трговски центри. Сите кои доаѓаат од меѓународни патувања треба да се изолираат две недели.

Извор – www.radiomof.mk

Сподели!
  •  
  •  

НАЈПОПУЛАРНИ

Сподели!
  •  
  •